महाराष्ट्र सरकारने महिलांना आर्थिक मदत देण्यासाठी “मुख्यमंत्री माझी लाडकी बहीण योजना” सुरू केली आहे. या योजनेअंतर्गत महिलांना दर महिन्याला ठराविक रक्कम दिली जाते. फेब्रुवारी महिन्याचा हप्ता आजपासून मिळायला सुरुवात होणार आहे. राज्याचे उपमुख्यमंत्री अजित पवार यांनी १५ फेब्रुवारी रोजी ३५०० कोटी रुपये मंजूर केल्याची माहिती दिली होती. त्यांनी सांगितले होते की, लवकरच महिलांच्या खात्यात पैसे जमा होतील. मात्र, आठवडा उलटूनही पैसे न मिळाल्याने विरोधकांनी सरकारवर टीका केली होती. आता महिला व बाल विकास विभागाने सांगितले आहे की, आजपासून हप्ता जमा होण्यास सुरुवात होईल.
लाडकी बहीण योजनेचा हप्ता किती आहे?
या योजनेअंतर्गत महिलांना दर महिन्याला १५०० रुपये दिले जातात. जानेवारी महिन्यात २ कोटी ४१ लाख महिलांना हा लाभ मिळाला होता. मात्र, अर्जांची तपासणी झाल्यानंतर सुमारे ९ लाख महिलांचे अर्ज बाद झाले. त्यामुळे यावेळी तुलनेने कमी महिलांना पैसे मिळतील.
महिलांच्या खात्यात पैसे कधी जमा होतील?
महिला व बाल विकास विभागाने सांगितले आहे की, फेब्रुवारी महिन्यासाठी आवश्यक पैसे मंजूर करण्यात आले आहेत. काही तांत्रिक अडचणींमुळे हप्ता मिळण्यास उशीर झाला होता. मात्र, ५ तारखेला पैसे महिलांच्या बँक खात्यात जमा जाणार आहेत.आता लवकरच महिलांच्या बँक खात्यात पैसे जमा होतील.
आतापर्यंत किती मदत मिळाली आहे?
या योजनेअंतर्गत ७ हप्त्यांमध्ये १०,५०० रुपये जमा झाले आहेत. आता फेब्रुवारीचा हप्ता मिळाल्यानंतर एकूण रक्कम १२,००० रुपयांपर्यंत पोहोचेल.
सरकारचे नवीन आश्वासन काय आहे?
महायुती सरकारने सांगितले आहे की, सत्तेत परत आल्यास हप्ता २१०० रुपये करण्यात येईल. त्यामुळे महिलांना पुढील महिन्यांपासून वाढीव रक्कम मिळते का, हे पाहणे महत्त्वाचे ठरेल.